राजमाची

लोणावळ्याच्या पश्चिमेस सह्याद्रीच्या पर्वतरांगेत राजमाची हे विस्तृत
पठार पसरलेलं आहे. या पठारावर २बालेकिल्ले वसलेले आहेत.
त्या २गडांपैकी थोडा कमी उंचीचा गड म्हणजे "मनरंजन गड".
राजमाची पॉईंट तसा बऱ्यापैकी प्रसिद्ध आहे पण त्यावर
असलेल्या या २ बालेकिल्ल्यांची नावे क्वचितच कोणाला माहीत
असावीत.
मनरंजन गडाला ३ प्रवेशद्वारे आहेत, तसेच गडावरची तटबंदी ही अतिशय
मजबुत आहे.आक्रमक दुर्गबांधणीचा प्रत्यय देणाऱ्या भक्कम
अशा या प्रवेशद्वारांची अवस्था आता मात्र केविलवाणी झाली आहे.
किल्ल्याच्या माथ्यावर किल्लेदाराच्या वाड्यावरचं जोतं, छप्पर
नसलेली पण मजबुत बांधणीची इमारत आणि त्यावर
असलेली गजाननाची मुर्ती हे सगळं अजुन शाबूत आहे.वर २-४
पाण्याच्या टाक्या आहेत. या गडावरून नागफणीचा सुळका, बोरघाटातील
रूळवाट, कर्जतच्या आसपासचा प्रदेश, ढाक-बहिरी, कर्नाळा,
माहुली असा बराच प्रदेश आपल्या नजरेस पडतो